Allama Iqbal Shayari – Allama Iqbal Shayari In Hindi

0

Posted by admin | Posted in Hindi Shayari | Posted on 25-04-2012

Ishq qaatil say bhi, maqtool say hamdardi bhi,

Yeh bta kis say muhabbat ki jaza mangay ga.

Sajda Khaaliq ko bhi, iblees say yarana bhi,

Hashr mein kis say aqeedat ka sila mangay ga.

 

 

ajab waiz ki din-dari hai ya rab

adawat hai ise sare jahan se

 

koi ab tak na ye samjha k insan

kahan jata hai ata hai kahan se

 

wahin se rat ko zulmat mili hai

chamak taron ne pai hai jahan se

 

ham apni dard-mandi ka fasana

suna karte hain apne razdan se

 

bari barik hain waiz ki chalen

laraz jata hai awaz-e-azan se

 

 

ata hai yad mujhko guzara hua zamana

wo bag ki baharen wo sab ka chah-chahana

 

azadiyan kahan wo ab apne ghonsale ki

apni khushi se ana apni khushi se jana

 

lagti ho chot dil par, ata hai yad jis dam

shabnam k anson par kaliyon ka muskurana

 

wo pyari pyari surat, wo kamini si murat

abad jis k dam se tha mera ashiyana

 

 

gulzar-e-hast-o-bu na beganawar dekh

hai dekhne ki chiz ise bar bar dekh

 

aya hai to jahan mein misal-e-sharar dekh

dam de najaye hasti-e-napayedar dekh

 

mana k teri did k qabil nahin hun main

tu mera shauq dekh mera intzar dekh

 

kholi hain zauq-e-did ne ankhein teri to phir

har rahguzar mein naqsh-e-kaf-e-pay-e-yar dekh

 

 

ham mashriq k musalmanon ka dil magrib mein ja atka hai

wahan kuntar sab billori hai, yahan ek purana matka hai

 

is daur mein sab mit jayenge, han baqi wo rah jayega

jo qayam apni rah pe hai, aur pakka apni hat ka hai

 

ae shaikh-o-brahman sunte ho kya ahl-e-basirat kahte hain

gardon ne kitani bulandi se un qaumon ko de patka hai

 

 

Taskeen na ho jis se wo raaz badal dalo

Jo raaz na rakh paye hamraaz badal dalo

 

Tum ne b suni ho gi bari aam kahawat hy

Anjam ka jo ho khatra aghaz badal dalo

 

Pur-soz dilon ko jo muskan na de paye

Sur hi na mile jis mai wo saaz badal dalo

 

Dushman k iradon ko hy zahir agar karna

Tum khel wohi khelo andaz badal dalo

 

Ay dost karo himat kuch door sawera hy

Agar chahte ho manzil tu parwaaz badal dalo….

 

 

Tere ishq ki intaha chahta hun

Meri sadgi dekh kya chahta hun

 

Sitam ho k ho wada-e-behijabi

Koi bat sabr-azma chahta hun

 

Ye jannat mubarak rahe zahidon ko

K main ap ka samna chahta hun

 

Koi dam ka mehman hun ai ahl-e-mahfil

Chirag-e-sahar hun, bujha chahta hun

 

Bhari bazm mein raz ki bat kah di

Bara be-adab hun, saza chahta hun

 

 

mumkin hai ke tu jisako samajhata hai baharan

auron ki nigahon mein wo mausam ho khizan ka

 

hai sil-sila ehwal ka har lahja dagargun

ae salek-rah fikr na kar sudo-zayan ka

 

shayad k zamin hai wo kisi aur jahan ki

tu jisko samajhta hai falak apne jahan ka

Write a comment

Spam Protection by WP-SpamFree