Ghazal Shayari – Romantic Ghazal Shayari

0

Posted by admin | Posted in Hindi Shayari | Posted on 06-05-2012

Chaader Pe Padi Ek Salwat He Zindagi

Kahin Dile-Dariya Kahin Khatpat Hai Zindagi

 

Kabhi Hasaati Hai Kabhi Rula Deti Hai

Sambhal Ke Chalna Badi Natkhat He Zindagi

 

Kabhi Yun Hi, Kabhi Bamushkil Milta Nahin Sakun

Jiyo To Hass Ke Jiyo Varna Marghat Hai Zindagi

 

Jise Dekhe Bina Na Kat-Ta Tha Ik Pal

Hui Shaadi Usi Se To Badi Jhanjat Hai Zindagi

 

Saawan Ki Bauchhaar Kabhi Jayeshth Ki Tapish

Gauri Se Ho Milan To Panghat Hai Zindagi

 

 

Garmiye hasrat-e-nakaam se jal jaate hain

Hum chiraagon ki tarah shaam se jal jaate hain

 

Shama jalti hai jis aag mein numayish ke liye

Hum usi aag mein gumnaam se jal jaate hain

 

Jab bhi aata hai tera naam mere naam ke saath

jaane kyon log mere naam se jal jaate hain…

 

 

Mohabbaton mein agar koi rasm o raah nah ho

Sakoon tabaah nah ho, zindagi gunaah nah ho

 

Kutch aetedaal bhi laazim hai dill lagi key liey

Kissi sey pyaar agar ho to bepanaah nah ho

 

Iss ehtyaat sey mai terey saath chalta hon

Teri nigaah sey aagey meri nigaah nah ho

 

Mera wajood hai sachaaion ka aaina

Yeh aour baat keh mera koi gawaah nah ho

 

 

Socha nahi acha Bura, Dekha Suna kuch b nahi

Manga Khuda se her Waqt, Tere siwa Kuch b nahi

 

Dekha Tujhe Chaha tujhe, Socha Tujhe Pooja Tujhe

Meri Wafa Meri Khata, Teri Khata kuch b nahi

 

Jis per Hamari Aankh ne, Moti bichaye Raat bhar

Bheja wohi Kagaz usey, Hum ne likha Kuch b nahi

 

Aur Ek Shaam ki Dehleez per, Bethey rahe wo Dair tak

Aankhon se ki Batain boht, Munh se kaha kuch b nahi

 

Do-Chaar din ki Baat hai, Dil Khaak mai mil jaye ga

Aag per jab Kagaz rakha, Baqi bacha Kuch b nahi

 

 

Main sun k uski sub batain,

Faqat itna hi kehta tha,

Khafa hona mana laina,

Yeh sadiyon say riwayat hay,

Gilay shikway karo mujh say,

Tumhain janan ijazat hay,

Magar ik baat meri bhi,

Tum yaad rakh laina,

Kabhi aisa bhi hota hay,

Hawa’ain rukh badalti hain,

Khata’ain ho hi jati hain,

Khafa hona bhi mumkin hay,

Khata hona bhi mumkin hay,

Hamaisha yaad rakhna tum,

Ta’aluq toot janay say,

Kabhi toota nahin kertay…!

 

 

Dil udhaas hai bahut koyi paigaam hi likh do

Tum apna naam na likho, gum-naam hi likh do

 

Meri qismat mein gham-e-tanhayi hai lekin

Tamaam umr na likho magar ek shaam hi likh do

 

Zuroori nahi ki mil jaaye sukoon har kisi ko

Sare-e-bazm na aao magar benaam hi likh do

 

Ye jaanta hoon ki umr bhar tanha mujhko rehna hai

Magar pal do pal, ghadi do ghadi, mere naam hi likh do

 

Chalo hum maan lete hai ke sazaa ke mustahiq thahre hum

Koyi enaam na likho koyi ilzaam hi likh do

 

 

shaam ho jaam ho subuu bhii ho

tujh ko paane kii justajuu bhii ho

 

dil se dil kii kahaaniyaa.N bhii sune

aa.Nkho.n aa.Nkho.n me.n guftaguu bhii ho

 

jhiil sii gaharii sabz aa.Nkho.n me.n

Duub jaane kii aarazuu bhii ho

 

sirf tere badan kii shamaa jale

aur a.Ndheraa-saa chaar_suu bhii ho

 

 

Doosron K Khayalon Mein Seindh Laga Lete Hain Log,

Daaon-Peinch K Dum Pe Khud Ko Azmad Bana Lete Hain Log,

Tune Munh Kaya Phera Sabhi Sapne Hue Kaafoor,

Saanjh Dhale Jaise Chhat Se Kapde Utaar Lete Hain Log,

Yaadon Mein Uljhe Aksh Na Ghat-Te Hain Na Badhte Hain,

Anjaan Bastiyon Me Bhi Dil Laga Lete Hain Log,

Wo Aankhe Chahte Hue Bhi Kuchh Na Keh Saki,

Rivazon Ki Duniya Me Mushkil Me Phasa Dete Hai Log,

Sach To Sach Hai Jitna Hai Utna Hi Rahega,

Jhoot K Daayere Ko Badha-Ghata Lete Hain Log…

 

 

Tassavur Me Jab Tasveere Yaar Hoti He

Zindagi Tab Khushgavaar Hoti He

Zindagi Zindagi Nahin Rehti

Muflisi Ka Jab Shikaar Hoti He

Jigar Ka Tukra Tha Kisi Ka Jo Jal Gayee

Zindagi Yun Bhi Sharmsaar Hoti He

Havaniat Panapti Rahi Dorti Car Me

Zindagi Tab Laachaar Hoti He

Soch Samajh Ke Kharch Ki Zindagi Hamne

Kuchh Na Haath Laga Ye Nagavaar Hoti He

Aadmi Aadmi Nahin Rehta

Zindagi Jab Daagdaar Hoti He

Kuchh Na De Dikhai Daulat Ke Siva

Zindagi Tab Bimaar Hoti He…

 

 

Tu Sirf Tu Hai Tujh Jaisa Koi Nahin

Jo Samajh Sake Tujhe Aisa Koi Nahin

Yun To Shehar Me Bheed He Bahut

Do Kadam Saath Chale Aisa Koi Nahin

Waqt Ka Taqaza He Ya Shehare Tehzeeb

Doston Ke Beech Bhi Yha Saafgoi Nahin

Har Haal Me Jo Lehlahati Rahe

Aisi Fasal To Hamne Baarha Boi Nahin

Kise Sunaye Aaj Wo Gayan Geeta Ka

Aadmion Ke Jangle Me Arjun Sa Koi Nahin…

Write a comment

Spam Protection by WP-SpamFree