Inspirational Shayari – Inspirational Shayari On Love

0

Posted by admin | Posted in Motivational Shayari | Posted on 30-04-2012

Mushkile dilo ke iraade azmayegi

Khwaabo ke parde nigaaho se hatayegi

Girkar tujhe hai smabhalna

Yeh thokaren hi tujhe chalna sikhayegi…

 

aankhon mein manzilein thi………

gire aur sambhalte rahe……….

aandhiyon mein kya dum tha……….

chiraag hawa mein bhi jalte rahe………

 

Taalim nahi di jaati

parindo ko udaano ki……..

woh to khud hi samajh

jaate hain ucchai aasmano ki……

 

Jindagi ki asli udaan abhi baaki hai

Jindagi ke kai imtehan abhi baaki hai

Abhi to naapi hai mutthi bhar zamin humne

Abhi to sara aasman baaki hai…

 

Apne saaye se bhi ashkon ko chupa kar rona

Jab bhi rona to chiragon ko bujha kar rona

Jahan chot khana wahan muskurana

Magar is ada se ke roye sara zamana…

 

Soch ko badlo, sitare badal jayenge……….

Najar ko badlo, nazare badal jayenge………..

Kashtiya badalne ki jarurat nahi…………….

Dishaon ko badlo, KINARE badal jayenge…………..

 

Hum hawa nahi jo kho jayenge,

Waqt nahi jo guzar jayenge,

Hum mausam nahi jo badal jayenge,

Hum to aansu hai jo khushi aur ghum dono me saath nibhaenge.

 

Gham na kar Zindagi bahut badi hai,

Chahat ki mehfil tere liye saji hai,

Bas ek baar muskura kar tho dekh,

Taqdeer khud tujhse milne bahar khadi hai…

 

Hoke maayus na yu shaam ki tarah dhalte rahiye

Jindgi ek bhor hai suraj ki tarah nikalte rahiye

Tharoge ek paav par to thak jaaoge

Dheere dheere hi sahi magar raah par chalte rahiye..

 

Apne hathon ki lakeeron

ko kya dekhta ho?

Kismat to unki bhi hoti hai

jinke haath nahi hote……..

 

Write a comment

Spam Protection by WP-SpamFree