Islamic Shayari – Islamic Shayari In Hindi

0

Posted by admin | Posted in Hindi Shayari | Posted on 29-04-2012

ALLAH py Humaisha Bharosa Rakho.

Kyun k

ALLAH Wo Nahi Deta Jo Apko Acha Lagta Hai,

Balkey Wo Deta Hai

Jo Aap K Liye Acha Hota Hai!!.

 

Banai Kya KHUDA Ne Sohni Surat MUHAMMAD Ki

Huye Aashiq Wo Jisne Dekh Li Surat MUHAMMAD Ki

Kamal-E-Husn-E-Yusuf Pr Faqt Ashiq Zulekha Thi

KHUDA Khud Jis Pe Ashiq Hy Wo Surat Hy MUHAMMAD Ki

Muslamano Ko Jab Janat K Darwazy Pe Rokengy

Hukum Hoga K Jany Do Ye Ummat Hy MUHAMMAD Ki

 

Momin K Liye To Jan-E-Hasti Hay NAMAZ

Iman Ki Aghosh Me Basti Hay NAMAZ

Milti Nahi Mehshar Me Kisi B Qeemat Par

O Zindagi Walon Parh Lo Abhi Sasti Hay Namaz

 

Phir Un Ki Gali Main Pohnchay Ga

Phir Sahu Kay Sajday Karay Ga

Is Dil Par Bharosa Kon Karay

Har Roz Musalman Hota Hay

 

Be-Zubanon Ko Jub Wo Zaban Deta Hai

Parhne Ko Phir Wo Quraan Deta Hai

Bakhshne Pe Aye Jub Ummat K Gunahon Ko

Tohfe Mai Gunahgaron Ko Ramzan Deta Hai

 

Zindagi ki raah mein aage chalte jana har pal,

mur ke na dekh beete hue pal

jo nahin tha tera tujhe nahin mila,

jo milgaya uske sath guzaar apna har pal

 

Aye khuda teri shaan dekh raha hun

Bina satoon kay khara asmaan dekh raha hun

Teri jalwa giri hai jaga jaga

Teri ibadat say gafil yah jahan dekh raha hn

 

Tumhari niyyat ki pemaish us waqt hoti hai

Jb tum kisi aisy shakhs k sath bhlai kro

Jo tum ko kuch bhi nahi de sakta.”

 

Karbala Nasib Se Jana Nasib Ho

Pher Laut Kar Wahan Sa Na Ana Nasib Ho

Aisa DAR-E-HUSSAIN A.S Pe Sajda Ho Akhri

K Mujha Apna Sir Na Uthana Nasib Ho

 

Ho Ali Ke Naam Se Toofan Bhi Khauf Khate Hain

Jinhe Yakin Nahi Wo Doob Jate Hain

Farishte Qabr Me Kuch Aur Poochhte Hi Nahi

Zuban Pe Naam-E-Ali Sun Ke Laut Jate Hain

 

Write a comment

Spam Protection by WP-SpamFree