Muharram Shayari – Muharram Shayari Hindi

0

Posted by admin | Posted in Hindi Shayari | Posted on 04-05-2012

Nahi Aaj Tak Koi Hussain (Ra) Sa Aya

Jo Kare Waju Khu Se Ada Namaj Talwar K Tale Kare,

Nahi Aaj Tak Koi Nawasa Hussain Ra Sa Aya

Jo Kare Ada Wada Apne Nana Ka Jaan De Ka Imaa Ki Khatir.

Nahi Aaj Tak Koi Hussain Ra Sa Aya

 

Karbala walon ka gham ghar ghar mein manaya jayega

Maqsad-E-Shabeer aalam ko bataya jayega

Yaad kar ke jo na roya Karbala walon ki pyaas

Qabar se tishna wo mehshar main uthaya jayega

 

Ek din bade ghroor se kehne lagi zameen

Aya mere naseeb mein parchum Husain ka

Phir chand ne kaha mere seene ke daagh dekh

Hota hai aasmaan pe bhi maatam Husain ka

 

Kuch barhami hai zara is Noor-e-Ain mein

Milta hai iztiraab yunhi dil ke chain mein

Selaab dekhta hoon to ata hai ye khyal

Pani bhatak raha hai Talash-e-Husain mein

 

Tere dil mein kaisi girah padi tujhey usse itna hasad hai kyun?

Jo Nabi (S.A.W.) ki aankh ka noor hai jo Ali ki rooh ka chain hai

Kabhi dekh apne khameer mein kabhi pooch apne zameer se

Wo jo mit gaya wo yazeed tha, jo na mit saka woh Husain hai

 

Sar gair ke aage na jukane wala

Aur nezey pe bhi Quran sunaney wala

Islam se kya poochte ho kaun Husain hai

Islam ko Islam banane wala

 

Shah Ast Hussain, Badshah Ast Hussain

Deen Ast Hussain, Deen Panah Ast Hussain

Sar Dad, Na Dad Dast, Dar Dast-E-Yazeed

Haqaa Key Binaey La Ila Ast Hussain

 

Jabeen-E-Ibn-E-Ali ki niyaz jari hai

Khuda ke deen ki Umr-E-Daraz jari hai

Sajde mein rakh ke sir ko na uthaya Hussain ne

Mere Husain ki ab tak namaz jari hai

 

Phir aaj haq ke liye jaan fida kare koi

Wafa bhi jhoom uthe yun wafa kare koi

Namaz 1400 saalon se intezar mein hai

Husain ki tarha mujh ko adaa kare koi

 

Aankhon ko koi khwaab to dikhayi de

Tabeer me Imam ka jalwa dikhayi de

Aye! Ibn-E-Murtuza tere samne

Suraj bhi ek chota sa zarra dikhayi de

 

Write a comment

Spam Protection by WP-SpamFree